İngiltərənin Kornuoll şəhərində yaşayan Conatan Plummer gündə orta hesabla 10 litr su içməsinin səbəbini öyrənmək üçün həkimlərə müraciət edib.
 
Xarici KİV xəbər verir ki, həkimlər 41 yaşlı Conatan Plummerin daimi susuzluq hissinin səbəbini araşdırıblar. Həkimlər kişinin çox su içməsinin səbəbi kimi əvvəlcə şəkər xəstəliyini göstəriblər. Amma hərtərəfli analiz və rentgen nəticəsindən sonra Conatan Plummerin daimi susuzluğunun beynindəki şişlə bağlı olduğunu anlayıblar.
Noxudla eyni ölçüdə olan şişin hipofiz vəzini sıxdığı müəyyən edilib. Bu bölgənin susuzluqla əlaqəli olduğunu izah edən mütəxəssislər kişini əməliyyata aparıblar. Radioterapiya və kimyaterapiya prosesinə başlayan Plumber 30 seansdan sonra sağlamlığına qovuşub.
скачать dle 12.1