"2020-ci ilin 44 günlük müharibəsindən sonra və ondan əvvəl də bizi təslim olmaqda ittiham edirdilər". 
Bunu Ermənistanın baş naziri Nikol Paşinyan "İctimai" televiziyaya müsahibəsində deyib.
Paşinyan qeyd edib ki, onu günahkar olmadığı şeylərdə ittiham edirlər: "Hökumətin və liderin vəzifəsi həll yolu təklif etməkdir. Qarabağın gələcək statusu ilə bağlı heç bir əminlik yoxdur, üstəlik, əvvəllər beynəlxalq məhkəmələrdə qəbul edilənlər də müəyyəndir. Müdrik siyasətçi deyə bir şey yoxdur. Amma müdrik siyasətçi nöqteyi-nəzərindən çıxış etsək, 2019-cu ildə 7 rayon təhvil verilməli, Qarabağın statusu ləğv edilməli, Ermənistan-Azərbaycan birgə idarəsi olmalı idi".