Macarıstan Baş naziri Viktor Orban Rusiya Prezidenti Vladimir Putinlə görüş planlaşdırmır.
Bu barədə Macarıstanın hökumət başçısı ilin yekunlarına dair keçirdiyi mətbuat konfransında deyib.
Orbanın sözlərinə görə, Ukrayna Prezidenti Vladimir Zelenski ilə görüşə hazırlaşır.
Qeyd edək ki, Orban və Putin 17 oktyabrda Pekində ÇKP MK-nın Beynəlxalq əlaqələr departamentinin rəhbərliyinin 3-cü “Bir kəmər-bir yol” beynəlxalq əməkdaşlıq forumu çərçivəsində görüşüblər.
Ukrayna Prezidenti ilə Orban arasında son iki ildə bir dəfə də olsun tam tərkibdə görüş baş tutmayıb və Macarıstanın Baş naziri bu müddət ərzində heç vaxt Kiyevə səfər etməyib.
Orbanla Zelenski arasında dəfə Brüsseldə keçirilən Aİ Sammitində ayaqüstü görüş və bunun ardınca 10 dekabrda Argentina paytaxtı Buenos-Ayresdə prezidentin andiçmə mərasimində iştirak etdikləri zaman qısa görüş baş tutub.
Bu görüş zamanı Viktor Orban Kiyevə dəvət alıb. Görüş barədə təfərrüatı ilə məlumat verilməyib, lakin Orban təklifi qəbul etdiyini bildirib. Orbanın Ukrayna səfərinin zamanı hələ müəyyən edilməyib, hazırlıqlar gedir və bununla bağlı hər iki ölkənin xarici işlər nazirlərinə tapşırıqlar verilib.