Qırğızıstanda respublika paytaxtının bütün rayonlarının adları təcili olaraq qırğız dilinə dəyişdiriləcək.
Bununla bağlı Qırğızıstan parlamentinin spikeri Nurlan Şakiyev çağırış edib. O, bunu ölkə rəhbərliyinin dövlət dilinin inkişafına dair planları ilə əlaqələndirib.
Parlament spikeri bu barədə Bişkekdə keçirilən ümumxalq qurultayında çıxışı zamanı bildirib.
“Təcili olaraq Bişkekin bütün rayonlarının adlarının dəyişdirilməsi lazımdır, Qırğızıstanın bəzi yaşayış məntəqələrinin adları hələ də başqa dillərdədir”, - deyə o qeyd edib.
Onun sözlərinə görə, Qırğızıstanda dövlət dilinin inkişafı ilə bağlı planlar hələ tam şəkildə yerinə yetirilməyib.
Bundan əvvəl analoji təşəbbüslə Qırğızıstan parlamentinin bir neçə digər deputatı da çıxış edib. Hazırda Bişkekin tərkibinə Leninski, Pervomayski, Oktyabrski və Sverdlovski rayonları daxildir.
Qırğız dili respublikada dövlət dilidir, rus dili ölkədə rəsmi dil elan edilib. Sosioloji sorğular göstərib ki, hazırda Qırğızıstan əhalisi, demək olar ki, bütün regionlarda gündəlik həyatda dövlət dilindən istifadə edir. Bişkek, ona bitişik Çuysk bölgəsi, həmçinin İssık-Kul bölgəsinin kurort zonaları istisna təşkil edir.
Mənbə: TASSскачать dle 12.1