Qırğızıstan parlamentinin sədri Nurlan Şakiyev ölkə rəhbərliyinin dövlət dilinin inkişafı ilə bağlı planları ilə əlaqədar olaraq, respublika paytaxtının bütün rayonlarının adlarının qırğız dilində dəyişdirilməsi ilə bağlı təcili sərəncam verilməsini istəyib.
Rusiya mətbuatı xəbər verir ki, o, bu barədə Bişkekdə ölkənin milli konqresində çıxışı zamanı deyib.
"Təcili olaraq Bişkekin bütün rayonlarının adlarının dəyişdirilməsi lazımdır, çünki indiyədək Qırğızıstanın bəzi yaşayış məntəqələrinin başqa dillərdə adları var", - o deyib.
Bundan əvvəl Qırğızıstan parlamentinin bir neçə deputatı da analoji təşəbbüslə çıxış edərək, respublikanın paytaxtının bütün rayonlarının qırğız adlarını qəbul etməyi təklif etmişdilər. Hazırda Bişkekə Leninski, Pervomayski, Jotnevy və Sverdlovski rayonları daxildir.
Qeyd edək ki, Qırğızıstanda qırğız dili ilə yanaşı rus dili də rəsmi dil elan edilib. 
скачать dle 12.1