Türkiyənin Düzcə şəhərində yenidən zəlzələ olub.
Bu barədə ölkənin Fövqəladə Halların İdarə Olunması Agentliyi (AFAD) məlumat yayıb.
Yeraltı təkanlar Düzcə mərkəzi rayonunda 4,3 bal gücündə olub.
Zəlzələ yerin 9,52 kilometr dərinliyində qeydə alınıb.
Dağıntı və itkilər barədə məlumat verilməyib.
Xatırladaq ki, noyabrın 23-də Türkiyənin Düzcə şəhərində 6 bal gücündə zəlzələ olub. Təbii fəlakət nəticəsində 2 nəfər ölüb, 93 nəfər yaralanıb.