Ermənistandakı “Çiçəklənən Ermənistan” partiyasının lideri Qagik Tsarukyan könüllülərdən ibarət dəstələrin yaradılması barədə təşəbbüslə çıxış edib.

Musavat.com erməni mediasına istinadən xəbər verir ki, bunu partiya üzvü, Ermənistan parlamentinin vitse-spikeri Vaqe Enfiadjyan söyləyib. Bildirib ki, partiya lideri xüsusi hazırlıqlar keçmiş təcrübəli hərbçilərdən ibarət dəstələrin yaradılmasını təklifini irəli sürüb. Müxalifət təmsilçisi deyib ki, onların dəstəsi harada lazımdırsa, orada erməni ordusuna qoşulacaq. Tsarukyan könüllü dəstənin tərkibində özünün də Qarabağ döyüşlərinə qatılacağını açıqlayıb.

Son günlərədək N.Paşinyanın əlində əsir-yesir vəziyyətdə olan bu “çiçəklənən” erməni müxalifətçisi də mahiyyətcə digər erməni terrorçularından fərqlənmədiyini nümayiş etdirdi.

Düşünmək olardı ki, o, ölkəsini xilas yolunu seçəcək, Paşinyan kimi terrorçulara müxalif olacaq, amma əks yolu seçdi. Elə isə gəlsin, necə ki, qəhrəman əsgərimiz bundan əvvəl minlərlə terrorçunu, o cümlədən iki keçmiş deputatı cəhənnəmə yola salıblar, bu da olar üçüncü sabiq deputat...