“Mançester Yunayted”in ulduz futbolçusu Kriştianu Ronaldu “Qırmızı şeytan”ların U-21 komandasının məşqinə qatılıb.
Bu haqda jurnalist Samuel Lakherst öz “Twitter” səhifəsində məlumat yayıb.
“Kriştianu bu gün saat 08:30-da “Mançester Yunayted”in hazırlığına gəlib. O, U-21 komandası ilə məşq edəcək”, – deyə jurnalist qeyd edib.
Xatırladaq ki, portuqaliyalı utbolçu Kriştianu Ronaldu oktyabrın 19-da “Mançester Yunayted”-“Tottenhem” matçı (2:0) bitməmiş “Old Trafford” stadionunu tərk edib. Bununla da həlledici oyunda onu meydana buraxmayan baş məşqçi Erik Ten Haqa etirazını bildirib.
Öz növbəsində “Mançester Yunayted”in baş məşqçisi Erik Ten Haq hücumçunun adını İngiltərə Premyer Liqasının 13-cü turunda “Çelsi” ilə (oktyabrın 22-də) baş tutacaq oyunun iştirak ərizəsinə daxil etməyib.
Bakı
5°C