İngiltərə Premyer Liqasında VII turun təxirə salınmış bir matçı keçirilib.
“Mançester Yunayted” “Kristal Palas”a qonaq olub.
Oyunda hesabı “qırmızı şeytanlar” açıblar. Bruno Fernandez 43-cü dəqiqədə fərqlənib.
Meydan sahibləri isə matça əlavə olunmuş dəqiqələrdə cavab qolunu vurublar. Olise komandasına bir xal qazandıran qola imza atıb.
Bu nəticə ilə xallarının sayını 39-a çatdıran “Mançester Yunayted” 3-cü pillədəki yerini qoruyub. “Kristal Palas” da 23 xalla 12-ci sırada qərarlaşıb.