Rusiya mediasında Azərbaycanın koonavirusa qarşı mübarizədəki uğuru ilə bağlı məqalə işıq üzü görüb.
Moderator.azxəbər verir ki, məqalədə Azərbaycanın koronavirus və onun nəticələrinə qarşı apardığı mübarizəyə əsasən iki baxımından diqqət yetirilib. Bunlardan biri ölkəmizin koronavirusdan zərər çəkən bütün iş adamları və sahibkarlara, o cümlədən aztəminatlı ailələrə göstərdiyi dəstəkdir. Hansı ki, məqalədə bu dəstəyin göstərilməsi ölkəmizin nəhəng iqtisadi-maliyyə gücü ilə əlaqələndirilib, Azərbaycanın regionda lider dövlət olduğunu vurğulanıb.
Məqalədə diqqət yetirilən daha bir məqam isə koronavirusdan qorunmaqla bağlı gərəkli olan bütün qoruyucu vasitələrin, dezinfeksiya məhsullarının Azərbaycanın özünün istehsal etməsi olub. Məqalədə qeyd olunub ki, Azərbaycan koronavirusla mübarizədə həyati rol oynayan maska, spirt kimi vasitələrin istehsalını həyata keçirir, virusdan xalqını “müstəqil şəkildə, heç kimdən yardım almadan” müdafiə edir.
Koronavirusla bağlı Azərbaycanda ilkin dönəmdə atılan çevik addımlar, o cümlədən xüsusi karantin rejimi də virusla mübarizədə önəmli addımlardan biri kimi vurğulanıb.
Bakı
5°C