ÖTƏN  yazımızda  qeyd etmişdik  ki, Abşeron rayonunun Masazır qəsəbəsində məktəb tikilir, ancaq Təhsil İdarəsinin xəbəri yoxdur. 
SONRA  yazmışdıq ki, millətin gələcəyi üçün məktəb tikilirsə, yəni kafe, restoran deyil ee, məktəb tikilirsə, niyə FHN-nin xəbəri yoxdur ? 
Axı, ölkəmizdə tikilən hər bir obyektə görə, FHN-nin ( sədr Kəmaləddin Heydərov ) Tikintidə Təhlükəsizliyə Nəzarət Dövlət Agentliyi məsuliyyət daşıyır..
DAHA SONRA, yazmışdıq ki, tikintinin həyata keçirildiyi ərazinin sahibi, Abşeron rayon icra hakimiyyəti ( icra başçısı İradə Gülməmmədova ) hara baxır ?
LAP  DAHA SONRA...yazmışdıq ki, məktəb tikilirsə, Təhsil Nazirliyinin ( nazir Emin Əmrullayev ) necə xəbəri olmaya bilər, axı ? 
Ey təhsil naziri Emin Əmrullayev, səndən bir daha soruşuruq ki, Masazırda tikilən məktəbdən xəbərin varmı ?
Həmin məktəbi tikən iş adamı  Aydın Şamoyev  niyə Təhsil İdarəsinin adından danışır?
Cənab nazir, bu adam arxayın olmasa, Bakı şəhərinin Təhsil İdarəsinin adından necə danışa bilər ? 
Cənab nazir, Aydın Şamoyev, sabiq səhiyyə naziri, hazırda Haqq və  Ədalət  Partiyasının sədri, radikal müxalifətçi  Əli İnsanovla ortaq biznes qurub. 
Daha dəqiq olsun deyə, qeyd edirik ki, Masazır qəsəbəsindəki məktəbin  tikintisini  HİDROKONSTRAKŞN  şirkəti və Aydın Şamoyev həyata keçirir. 
Tikinti heç bir standartlara cavab vermir. Axı, bu binada yüzlərlə, minlərlə şagird oxuyacaq, sabah uşaqların başına faciə gəlsə, məsuliyyəti kim daşıyacaq ?
Gundelik-baku.com-un apardığı  araşdırmalar  onu göstərdi ki, bu tikinti ilə bağlı heç bir dövlət qurumunun xəbəri yoxdur. 
Məcbur olub yenidən araşdırma apardıq. Və bəlli oldu ki, məktəb adı altında aparılan tikintiyə icra başçısı İradə Gülməmmədovanın böyük qardaşı ( Rizvan )  ağsaqqallıq  edir. 
Amma hələ bəlli deyil ki, tikilən məktəbdir, yoxsa hotel ? 
Və ən əsası  bu bina 1-2 ildən sonra uçarsa, faciə baş verərsə, KİM MƏSULİYYƏT DAŞIYACAQ ? 
Mütləq hər məsələyə görə, cənab Prezident müdaxilə etməlidir ?
Bəs siz nəyə baxırsınız: 
Cənab Fövqəladə Hallar  Naziri  Kəmaləddin Heydərov, 
Cənab  Təhsil Naziri Emin Əmrullayev,  
Cənab-ə  Abşeron İcra Hakimiyyətinin başçısı İradə Gülməmmədova ?