"Dağlıq Qarabağ münaqişəsinin tənzimlənməsinə istənilən ölkənin cəlb olunması Ermənistan və Azərbaycanla razılaşdırılmalıdır".
Bakısəsi xəbər verir ki, bunu Rusiya prezidentinin mətbuat katibi Dmitri Peskov münaqişə ilə bağlı danışıqların növbəti mərhələsinə Türkiyənin qoşulub-qoşulmaması ilə bağlı sualı cavablandırarkən deyib.
O bildirib ki, bu məsələ yalnız münaqişə tərəflərinin razılığı əsasında ola bilər:
“Burada iki tərəfin, Azərbaycan və Ermənistan nəzər nöqtəsi vacibdir. Yalnız münaqişə tərəfləri tənzimləmə prosesinə bu və ya digər dövlətin qoşulmasına razılıq verə və ya dəstəkləyə bilər”.