Azərbaycan Respublikası Milli Məclisinin deputatı Elman Nəsirov noyabrın 26-da 68 saylı Cəlilabad kənd seçki dairəsinə daxil olan Mikayıllı kəndinin seçiciləri ilə görüş keçirib.
Görüş çərçivəsində kənd sakinləri onların sosial problemlərinin həlli istiqamətində göstərdiyi böyük diqqət və qayğıya görə ölkə Prezidenti cənab İlham Əliyevə öz təşəkkürlərini ifadə ediblər.
Millət vəkili Elman Nəsirov Mikayıllı kənd sakinləri Gülməmməd Ağaşovu, Əliqismət Nağıyevi, Nurəddin Əliyevi, Nazənin Ağaşovanı, Fərahim Nağıyevi və Allahşükür Həsənovu, Bayxanlı kənd sakinləri Kifayət Quliyevanı və Şölə İsmiyevanı qəbul edib. Görüş zamanı vətəndaşlar, onları narahat edən elektrik xəttlərinin yenisi ilə əvəz olunması, fermerlərə subsidiyanın verilməsi, qaz çəkilişi və avtomobil yollarının təmiri ilə bağlı məsələləri dilə gətiriblər. Bəzi məsələlər yerindəcə öz həllini tapıb. Həllini tapmayan məsələlər ilə bağlı deputat Elman Nəsirov onların həlli istiqamətdə addımlar atacağına söz verib.



скачать dle 12.1