Azərbaycan Prezidenti İlham Əliyevlə Ermənistan Baş naziri Nikol Paşinyan arasında yaxın zamanda Brüsseldə görüşün keçiriləcəyi gözlənilir.
“Sputnik Ermənistan” xəbər verir ki, bu barədə Nikol Paşinyan bildirib.
“Yaxın gələcəkdə Avropa Şurası sədrinin vasitəçiliyi ilə Brüsseldə Azərbaycan Prezidenti ilə görüşüm planlaşdırılır”, - o deyib.
Azərbaycanla sülh müqaviləsinin mətninin imzalanmağa hazır olmadığını deyən hökumət başçısı müsbət irəliləyişlərin qeydə alınacağına ümidvar olduğunu bildirib.
Paşinyan, həmçinin əlavə edib ki, Ermənistanla Azərbaycan arasında sülh müqaviləsi imzalanmalıdır.
Xatırladaq ki, Ermənistan və Azərbaycan liderləri sonuncu dəfə mayın 25-də Moskvada görüşüblər.
скачать dle 12.1