Kiyevin Rusiya aerodromlarına hücumların nəticələri ilə bağlı açıqlamaları əsassızdır.

"Bakisesi.com" xəbər verir ki, bunu Rusiya Federasiyası xarici işlər nazirinin müavini Sergey Ryabkov deyib.

"Biz Rusiya Müdafiə Nazirliyinin kanalları vasitəsilə yayılan məlumatları izləməliyik", - diplomat vurğulayıb.

O, bildirib ki, Ukrayna Silahlı Qüvvələrinin aerodromlara hücumları nəticəsində Rusiyaya dəyən zərər barədə Ukrayna prezidenti Vladimir Zelenski "Reuters" agentliyinə yalan danışıb. Mənbələrin məlumatına görə, hücum zamanı 20-yə yaxın hərbi təyyarə zədələnib, 10-u məhv edilib.

"Bu fikirlər tamamilə əsassızdır", - Rusiya XİN rəsmisi əlavə edib.

Qeyd edək ki, bundan əvvəl “Hörümçək toru” kod adlı əməliyyat nəticəsində Ukrayna xüsusi xidmət orqanları Rusiya strateji aviasiyasının 40-dan çox bölməsini sıradan çıxarıb, onlardan 10-dan 13-ə qədəri tamamilə məhv etdiyini açıqlamışdı.