Rusiya sülhməramlıları Ermənistanın Sünik bölgəsindəki Şurnux və Vorotan kəndlərinə yerləşdirilib.
Bakısəsi erməni mediasəna istinadən xəbər verir ki, bu barədə Sünikin qubernatoru Melikset Poqosyan bildirib.
Onun sözlərinə görə, Sünik bölgəsində vəziyyət normaldır, sərhədlərə həm Ermənistan silahlı qüvvələri, həm də sərhəd qoşunları nəzarət edir.
Baş nazirin müavini Tiqran Avinyan da öz növbəsində hökumətin iclasında sərhəd qüvvələrinin Ermənistanın sərhədində yerləşdiyini və müdafiə nazirinin də buraya gəldiyini deyib.
Bundan əvvəl Müdafiə Nazirliyinin baş katibi Artur Sarkisyan "Armenpress" in sorğusuna cavab olaraq bildirmişdi ki, Rusiya Ermənistan-Azərbaycan sərhədini qorumaq vəzifəsini yerinə yetirmir, bunu Ermənistan silahlı qüvvələri edir. Amma indi bəlli olur ki, Ermənistan hərbçiləri ilə yanaşı sülhməramlılar da sərhədləri qoruyur.