Axı, biz insan alveri ilə bağlı beynəlxalq konvensiyalara qoşulmuşuq, cənablar…
Əxlaqsızlıq yuvalarının dünyada ciddi problem olması heç kimə sirr deyil.
Ümumiyyətlə, insan alveri ilə bağlı “biznes”in dövriyyəsi külli miqdardadır. Bunun ən gəlirli sahəsi isə qadın alveridir.
Bütün dünyada əxlaqsızlıq yuvaları ilə bağlı mübarizə gedir. Məhz bu bəlanın qarşısını almaq üçün ölkəmizdə Daxili İşlər Nazirliyi nəzdində İnsan Alverinə Qarşı Mübarizə Baş İdarəsi yaradılıb.
Dəfələrlə qeyd etmişik ki, əxlaqsızlıq yuvaları milli-mənəvi dəyərlərimizi məhvə aparır.
Bu bəla cəmiyyətimizin gələcəyi üçün böyük təhlükədir.
Hətta onu da qeyd etmişik ki, xarici qüvvələr ölkəmizdəki AİLƏ İNSTİTUTUNU dağıtmaq istəyirlər.
Amma kimə deyirsən ?
Adəm və Hatəm qardaşları deyir ki, dünya dağılsa da biz bu biznesdən əl çəkən deyilik.
Biz Adəm və Hatəm qardaşlarının işlətdiklər obyektlərin, yəni əxlaqsızlıq yuvalarının təkcə mənəvi dəyərləri məhv etdiyini deyil, həm də cinayət yuvaları olduğunu dönə-dönə vurğulamışıq.
Yəni bu qardaşların obyektləri təkcə kimlər üçünsə “rahatxana”, gəlir mənbəyi deyil, həm də...
Bəli son vaxtlar əxlaqsızlıq yuvalarında ölüm halları baş verir, cinayət əməlləri törədilir.
Biz hətta Adəm və Hatəm qardaşlarının əxlaqsızlıq yuvalarında kameralar quraşdırıldığını, insanların bu yolla şantaj edildiyini də dönə-dönə yazmışıq.
Yəni Adəm və Hatəm qardaşları vətəndaşlar barədə “kompramat” toplayaraq bazarlıq edir, onları təhdid edirlər.
Bu əməllər isə sonda qarşıdurmaya, ölüm hallarına gətirib çıxardır.
Bəli, Adəm və Hatəm qardaşlarının qazanc mənbəyi başqa şəxslərin namusunu alıb-satmaqdır.
Dəfələrlə yazmışıq ki, görəsən bu qardaşların ailələri, uşaqları, bacıları demir ki, ayy...belə-belə olmuşlar..bəsdirin dəə..
Yaxşı, tutaq ki, Adəmlə Hatəmin doğmaları demir, bəs...
Bəs, İnsan Alverinə Qarşı Mübarizə baş İdarəsi nə düşünür ?
Axı, medianın yazdıqlarına bir reaksiya olmalıdır.
Atalar deyib ki, Quran oxumaqla DONUZ darıdan çıxmaz.
Biz də Adəm və Hatəm qardaşlarına mənəvi dərs keçməklə problem həll olunan deyil.
Bu qardaşlar bu boyda paytaxtda əxlaqsızlıq biznesini monopoliyaya alaraq özləri üçün sanki bir fahişə imperiyası yaradıblar.
Yaxşı, hər şeyi bir kənara qoyaq, bəs...
Bəs, axı biz bir ölkə olaraq BMT-nin “Transmilli mütəşəkkil cinayətkarlığa qarşı” Konvensiyasının və onu tamamlayan “İnsan alverinin, xüsusən qadın və uşaq alverinin qarşısının alınması, aradan qaldırılması və cəzalandırılması” haqqında protokoluna imza atmışıq.
Başa düşdünüzmü ?
Hamı başa düşsə də çətin ki, Adəm və Hatəm qardaşları başa düşsün... /Gundelik-baku.com/
Bakı
5°C