Bakının bir sıra küçə və prospektlərində yerləşən iaşə obyektləri qarşısında səkiyə çıxarılan masa və stullar yığışdırılır.

Tribunainfo.az-ın redaksiyasına daxil olan məlumata görə, kafe sahiblərinə bu barədə rəsmi qurumlardan xəbərdarlıq olunub.

Əvvəllər bəzi obyekt sahibləri səkilərdə əlavə oturacaq yerləri düzərək müştəri qəbul edir və bu yolla əlavə gəlir əldə edirdilər. Artıq bu praktikanın qarşısı alınacaq.

Məlumata görə, sözügedən qərar yuxarı instansiyaların təlimatı ilə verilib. Yeni qaydalara əsasən, ictimai istifadə üçün nəzərdə tutulan səkilərdə masa və stul yerləşdirilməsinə icazə verilməyəcək. Qadağanın əsas məqsədi piyadaların sərbəst hərəkətinin təmin edilməsi və şəhər estetik görüntüsünün qorunmasıdır.скачать dle 12.1