Şuşanın zəfər xəbərini müalicə aldığı xəstəxananın pəncərəsindən alqışlaması ilə məşhurlaşan Vətən müharibəsi qazisi Sahil Həsənli yüksək texnologiyalı protezlə təmin olunacaq.Müəssisədə bir qolu amputasiya olunan protezin hazırlanması üçün ondan ölçülər götürülüb.
Bir neçə gün öncə yuxarı ətrafı amputasiya olunan, aldığı zədələrdən gözünü itirmək üzrə olan qazi S.Həsənli ona təyin olunan əlillik dərəcəsinin adekvat olmadığını, ona mənzil verilmədiyini və işlə təmin olunmadığını bildirmişdi. 
S.Həsənli iddia etmişdi ki, əslində müharibədə aldığı zədələr sənədlərində qeyd olunandan daha artıqdır. Qazinin şikayəti ictimailəşəndən sonra nazirlik hərəkətə keçib. 
Görünən odur ki, qazi narazılığını ictimai şəkildə ifadə edəndən, məsələ böyüyəndən sonra nazirlik qazinin problemini həll etmək qərarına gəlib. скачать dle 12.1