"Mən orada yalnız vətənpərvər mahnılar ifa etmişəm, Türkiyədə yaşayan azərbaycanlıları, türkiyəli qardaşlarımızı birliyə səsləmişəm. Həmçinin şəhidlərimizi yad etmişik, Azərbaycanın və Türkiyənin bayrağını qaldırmışıq”.
Bu sözləri müharibə dövründə Türkiyədə konsert verdiyi tənqid atəşinə tutulan Əməkdar artist Mətanət İsgəndərli deyib.
Türkiyədən yenicə qayıdan sənətçi sözügedən konsertin Qarabağa həsr olunduğunu və yığılan pulun Silahlı Qüvvələrə Yardım Fonduna köçürüldüyünü bildirib:
Ora gələn insanlar vətən həsrətli insanlar idi. Aralarında şəhid, milli qəhrəman ailəsinin üzvləri də var idi. Həmin məkanın sahibi şəhid qardaşıdır. Bizim Ordumuzun, dövlətimizin heç nəyə ehtiyacı yoxdur. Amma bu, içimizdən gələn bir istək idi. Bizə belə söhbətlər yaraşmaz. Biz hamımız yumruq kimi birləşməli, fikrimiz, zikrimiz əsgərlərimizin yanında olmalıdır. Mənim də silahım nəğmələrimdir. Allah hər kəsə bi iş həvalə edir. Biz müğənnilərin də işi vətənpərvərlik mahnıları ilə insanları ruhlandırmaqdır”.
Xatırladaq ki, Əməkdar artist müharibə dövründə konsert verdiyi üçün sərt tənqid edilmişdi. Türkiyədə restoranların birinin sənətçinin keçiriləcək konsertinin anonsunu yayımlaması səs-küyə səbəb olmuşdu.  Onun həssas dövrdə belə bir addım atması birmənalı qarşılanmayıb.скачать dle 12.1