Gürcüstanın Baş naziri İrakli Qaribaşvili ermənistanlı həmkarı Nikol Paşinyanla görüşüb.
Məlumatı Gürcüstan baş nazirinin mətbuat xidməti yayıb. Bildirilib ki, təkbətək görüşdə baş nazirlər iki ölkə arasında əməkdaşlığın gündəliyidə olan əsas məsələləri nəzərdən keçiriblər.
Məlumata görə, söhbət zamanı Gürcüstan və Ermənistan arasında ticari-iqtisadi, nəqliyyat, logistika və mədəniyyət sahələrində mövcud əməkdaşlıq əlaqələrinə toxunulub. İrakli Qaribaşvili İrəvanda baş verən partlayışla əlaqədar Nikol Paşinyana başsağlığı verib.
Görüşdə, o cümlədən Ermənistan və Azərbaycan xarici işlər nazirlərinin Tbilisidə keçirilən görüşünə, regionda sülh və sabitliyin təşviqində Gürcüstanın rolu və səylərinə diqqət yetirilib.
Vurğulanıb ki, Qaribaşvili və Paşinyan regionda hazırki vəziyyətdən danışıblar.
***11:42
Gürcüstanın Baş naziri İrakli Qaribaşvili və Ermənistan Baş naziri Nikol Paşinyan görüşəcək.
Rəsmilər Debed çayı üzərində yeni avtomobil körpüsünün rəsmi açılış mərasimində iştirak edəcək .
Körpünün açılış mərasiminin bu gün saat 14:00-da olacağı qeyd olunub.
Bakı
5°C