Tailand hakimiyyəti Cənubi Koreyaya çarter reysi ilə gəldikdən sonra izsiz yoxa çıxan 23 turisti axtarır.  Belə ki, səyahətçilər əsas qrupdan ayrılıb və geri qayıdan təyyarəyə minməyiblər.
Məlum olduğu kimi, yanvarın 30-da 175 tailandlı turist pandemiyadan sonra ilk çarter reysi ilə Banqkokdan Koreyanın Jeolla-namdo əyalətinin əsas görməli yerlərini gəzmək üçün ayrılıb.
Cənubi Koreya Ədliyyə Nazirliyi 10 turistin təyyarənin gəlişindən dərhal sonra Koreya hava limanında yoxa çıxdığını bildirib. Səyahətin dördüncü günündə daha 13 nəfər öz qruplarından ayrılıb.
Nazirlik itkin düşən səyahətçilərin tapılması və evlərinə qaytarılması üçün hər cür səy göstərir.
Qeyd olunur ki, Jeolla-namdo əyalət hökuməti martın sonunadək çarter reysləri ilə 2400-ə yaxın Tailand turistini cəlb etməyi qarşısına məqsəd qoyub, lakin son  vaxtlar səyahətçilərin yoxa çıxmasının bu məqsədə nail olunmasına mənfi təsir göstərəcəyi gözlənilir.
Mənbə: lenta.ruскачать dle 12.1