Mingəçevir Şəhər Polis Şöbəsinin əməkdaşlarının keçirdikləri müvafiq tədbirlərlə iki nəfər aktiv koronavirus xəstəsi ictimai yerdə aşkarlanıb.
Bu barədə DİN-in Mətbuat Xidmətinin Şəki Regional Qrupundan məlumat verilib.
Bildirilib ki, şəhər sakini Lalə Məmmədovanın COVID-19 testinin nəticəsi pozitiv olduğu üçün ona ev şəraitində müalicə təyin edilib, sanitar-karantin qaydaları izah olunub. Buna baxmayaraq həmin şəxs ictimai yerdə hərəkətdə olarkən saxlanılıb  və yaşadığı ünvana geri qaytarılıb.
Daha bir aktiv koronavirus xəstəsi Yazgül Allahverdiyevanın da özünütəcrid qaydalarını pozaraq yaşadığı ünvanı tərk etdiyi müəyyən olunub. O, evinə geri qaytarılıb və bu barədə müvafiq səhiyyə qurumları məlumatlandırılıb.
Hər iki şəxs barəsində araşdırma aparılır.
Esmira Hidayətova, Mingəçevir.скачать dle 12.1