Yanvarın 5-i axşam saatlarından və 6-sı bütün gün Erməni Apostol Kilsəsi Milad bayramını qeyd edib. Bütün erməni kilsələrində müqəddəs "Çraqaluyts" ayini xidməti göstərilib. Milad ərəfəsində Ermənistandan təxminən 70 zəvvar işğaldan azad edilmiş Kəlbəcər bölgəsindəki Xudavəng monastırını ziyarət etmək istədiklərini bildiriblər.
İşğaldan azad ediləndən sonra monastırda həm erməni ruhaniləri, həm də Alban-Udin xristian icmasının üzvləri xidmət edirlər. Təhlükəsizlik məqsədi ilə monastır kompleksinin ərazisi Rusiya sülhməramlı qüvvələri tərəfindən idarə olunur. Rusiya sülhməramlılarının blok-postu Xudavəngin girişində qurulub. Rusiya sülhməramlılarının blok-postundan öndə isə zəvvarların ilk yoxlanmasını həyata keçirən Azərbaycan hərbçiləri dayanır.
Ermənistan zəvvarları tərəfindən monastırı ziyarət etmə rejiminin qaydalarına görə, ermənilərin gəlişi həm Rusiya sülhməramlıları, həm də Azərbaycan qoşunlarının komandanlığı ilə razılaşdırılır. Monastırın ərazisində Azərbaycan silahlı qüvvələrinin iki nəzarət-buraxılış məntəqəsi quraşdırılıb.
Lakin, erməni sosial şəbəkə istifadəçilərinin yazdığına görə, Azərbaycan postlarından yalnız iki zəvvar avtobusunun buraxılışına icazə verilib. Monastır ərazisinə 30 nəfər daxil ola bilib və qalan zəvvarlara ziyarət üçün başqa bir gün seçmələri tövsiyə edilib. Monastırı ziyarət üçün məhdudlaşdırma erməni zəvvarların narazılığına səbəb olub.
Virtualaz.org Azərbaycan Müdafiə Nazirliyinə şərh üçün müraciət edib. Müdafiə Nazirliyindən bildiriblər ki, Azərbaycan tərəfi ilə yalnız 30 zəvvarın gəlişi razılaşdırılıb. Bundan əlavə, erməni zəvvarlarının dini hisslərinə hörmətlə yanaşaraq, monastır ərazisi müqəddəs ayin mərasimində iştirak etmək istəyən hər kəsi qəbul edə bilməz. Təhlükəsizlik baxımından Azərbaycan hərbçiləri erməni zəvvarlara monastırı ziyarət etmək üçün başqa bir gün seçmələrini tövsiyə ediblər. Azərbaycan Müdafiə Nazirliyi Ermənistan vətəndaşlarının narazılığının və iddialarının əsassız olduğunu və heç bir səbəblərinin olmadığını vurğulayıb.скачать dle 12.1