Xəbər verdiyimiz kimi müğənni Tacir Şahmalıoğlu ona fəxri ad verilməsiylə bağlı ölkə başçısı İlham Əliyevə sosial şəbəkədə müraciət edib. 
T.Şahmalıoğlu bu günə qədər fəxri ada layiq görülməməsinin səbəbini bilmədiyini deyib: “Mən cənab prezidentə video müraciətimdə fəxri ad ala bilmədiyimi və diqqətdən kənarda qaldığımı demişəm. Bu gün Azərbaycan xalqı bir oldu, Allaha şükür torpaqlarımız işğaldan azad olundu, qələbə çaldıq. Amma mən yenə də diqqətdən kənarda qaldım və bunun səbəbini isə bilmirəm. Ola bilməz ki, mənim ad məsələmdən xəbərdar olmasınlar. Necə oldu hamı tanıdı, amma Mədəniyyət Nazirliyində heç kim məni tanımadı? Bunu bilirlər, amma nəyə arxalanıb mənim fəxri adımı vermirlər, bilmirəm. Mən məqsədimə çatana qədər müraciətlərimi edəcəm”.
Qeyd edək ki, müğənni ölkə başçısına müraciətində bunları deyib:
“Hamı deyir ki, biz sevinərik sənə fəxri ad verilsin. Ona görə mən burdan Ali Baş Komandanımıza, Mehriban xanım Əliyevaya səslənirəm, mənim səsimə səs versinlər. Mən qohum-əqrabalarımın, balalarımın yanında “sınıram”. Hamı deyir ki, niyə görə sənə fəxri ad vermirlər? Amma həmişə demişəm ki, bir az təmkinli olun, hər şeyin vaxtı var. Bax o vaxt indi gəlib çatıb. Mənim fəxri adım layiqincə verilməlidir. Əgər imkan varsa, ölkə başçısı mənimlə görüşsün və mənim fəxri adımı versin. Mənim tələbəmin tələbəsinin fəxri adı var. Hansı ki, mən Azərbaycan musiqisində bir yol qoymuşam və bundan bizim gənc müğənnilərimiz də bəhrələnir, halal xoşları olsun...”. /Moderator.az
 
скачать dle 12.1