Qarabağla bağlı üçtərəfli işçi qrupun ilk görüşü yanvarın 30-da keçiriləcək.
Rusiya baş nazirinin müavini Aleksey Overçuk regional nəqliyyyat infrastuktunun bərpası barədə müzakirələr aparılacağını söyləyib.
“Mövzular Azərbaycan prezidenti İlham Əliyev, Rusiya prezidenti Vladimir Putin və Ermənistan baş naziri Nikol Paşinyanın bəyanatında müəyyən olunub. İlk növbədə, nəqliyyat infrastrukturunun bərpası və inkişafı problemlərinə baxacağıq”- deyə o açıqlayıb.
Overçuk görüşlərin hansı tezlikdə baş tutacağı və ancaq Moskvada keçirilib-keçirilməyəcəyi barədə suala konkret cavab verə bilməyib.
“Hələlik heç nə denmək olmaz. Biz ilk dəfədir ki, görüşürük. Necə alınsa, elə də gedəcək”- deyə Overçuk söyləyib.
Qeyd edək ki, görüşdə Azərbaycanı Baş nazirin müavini Şahin Mustafayev, Ermənistanı isə Paşinyanın müavini Mqer Qriqoryan təmsil edəcək. скачать dle 12.1