DYP Şəmkirdə yol polisinin rüşvət alması ilə bağlı yayılan videoya münasibət bildirib.
Məsələ ilə bağlı Baş Dövlət Polisi İdarəsinin İctimaiyyətlə əlaqələr şöbəsinin rəisi, polis polkovnik-leytenantı Namidan Piriyev bildirib ki, yol polisinin sürücüdən rüşvət alması ilə bağlı yayılan məlumatlar həqiqəti əks etdirmir:
“Bununla bağlı araşdırma aparılıb. Nəticədə polisin “KamAz” markalı yük avtomobilinin sürücüsündən rüşvət alması faktı təsdiqini tapmayıb. Nəqliyyat vasitəsinin sürücüsü yük daşıma qaydalarını pozduğuna görə posta dəvət olunub, onun barəsində inzibati protokol tərtib olunub. Sürücü inzibati məsuliyyətə cəlb edilib”.
***
10:52
Yol polisinin sürücüdən rüşvət alması barədə video yayılıb. 
Videoda YPX əməkdaşının "KamAz" markalı yük avtomobilinin sürücüsündən rüşvət aldığı iddia edilir.
Videonun Şəmkir rayonu ərazisində yerləşən DYP postunda lentə alındığı bildirilir.
Seymur Əli




скачать dle 12.1