Yay ayları olmasına baxmayaraq, həm dünyadakı ümumi mənzərə, həm də ölkəmizdə yoluxma saylarının intensiv şəkildə artması bizi bir daha ehtiyatlı olmağa və gələcəkdə ehtimal olunan təhlükələr qarşısında hazırlıqlı olmağa məcbur edir.
Bunu Trend-ə Milli Məclisin Səhiyyə komitəsinin sədr müavini Rəşad Mahmudov deyib.
R.Mahmudov bildirib ki, xüsusən payız aylarında koronavirusun yeni ştamlarının insanlıq üçün yarada biləcəyi təhlükə hələ ki qarşımızda durmaqdadır:
“Payız aylarında ola biləcək təhlükələrin qarşısının alınması da zamanında olunan peyvəndlər vasitəsilə mümkün ola bilər. Virusa yoluxmuş olsaq belə, vaksin vurdurmuş olsaq belə 6 aydan sonra vurulacaq 3-cü doza vaksin gələcəkdə yoluxmaların sayını azaltmağa və ya yoluxma zamanı həyati təhlükənin minimuma endirilməsinə böyük töhfə verir.
Bu həqiqəti bilərək mən tövsiyə edirəm ki, vaksin vurdurmasının 6 ayı tamam olmuş insanlar payız aylarında ola biləcək dalğaya qarşı immun sistemlərini gücləndirmək üçün 3 doza vaksin vurdursunlar”.скачать dle 12.1