Çeçenistan hökumətində azərbaycanlıya yüksək vəzifə verilib.
Bu barədə Çeçenistan Respublikasının başçısı Ramzan Kadırov qərar imzalayıb.
Qərara əsasən, Elxan Süleymanov baş nazirin müavini təyin edilib. O, indiyədək Çeçenistanın Səhiyyə naziri idi.
Qeyd edək ki, Elxan Süleymanov Abdulla oğlu 1974-cü ildə Bakıda anadan olub. Əslən Qusar rayonunun Həzrə kəndindəbdir. Elxan Süleymanov ATU-nu fərqlənmə diplomu ilə bitirib. Təhsildən sonra Bakı Onkoloji Elmi Mərkəzində işləyib. Ramzan Kadırovun dəvəti ilə Moskvadan Çeçnistana gəlib və Qroznı Onkoloji Dispanserinin rəhbəri işləyib. 28 aprel 2016-cı il tarixində Çeçenistan Respublikasının Səhiyyə naziri təyin edilib.
скачать dle 12.1