“Hazırda Türkiyədə xəstəxanadayam. Dünən gəlmişəm, müayinələr davam edir, bu gün və sabah anju və testlər ediləcək”.
Bunu Publika.az-a açıqlamasında Prezidentin keçmiş köməkçisi Əli Həsənov səhhəti ilə bağlı danışarkən deyib.
Əli Həsənov bildirib ki, bundan sonra 72 saatlıq ürək döyüntü testi ilə yoxlama olacaq və tam qərar veriləcək: “Kəskin aritmiyanın və ürək çatışmazlığının səbəbi dəqiq müəyyən ediləndən sonra yeni bir açıq ürək əməliyyatının, yaxud klapanlara hansısa müdaxilənin olub-olmamasına qərar veriləcək. Həm də boyun damarlarında ciddi problem aşkarlanıb”.
***
Prezidentin keçmiş köməkçisi Əli Həsənovun səhhətində ciddi problemlər yaranıb və təcili olaraq Türkiyəyə yola salınıb.
Ailə üzvlərindən aldığımız məlumata görə, son bir neçə həftə ərzində Əli müəllimin ürək-damar sistemindəki problemlər kəskin şəkildə özünü büruzə verməyə başlamış və ev şəraitində müalicə almışdır.
Dünən  gecə isə səhhəti qəflətən pisləşdiyiinə görə Türkiyəyə yola salınmış və dərhal  da xəstəxanaya yerləşdirilmişdir.
Aldığımız məlumata görə Əli Həsənov  ciddi ürək çatışmazlığından, kəskin aritmiya və damar keçirməzliyindən  əziyyət çəkir.
Əli Həsənov 2013-cü ildə ciddi bir infarkt keçirdikdən sonra təcili olaraq Almaniyaya aparılmış və bir ayın içərisində  iki dəfə açıq ürək əməliyyatına məruz qalmışdır. (Vətəninfo)скачать dle 12.1