- "Qusar rayon icra hakimiyyətinin son iki ilə aid maliyyə fəaliyyəti ilə bağlı hökumətin müvafiq qurumları trəfindən aparılan təftişlə bağlı əldə edilən faktlar artıq hüquq-mühafizə orqanlarının araşdırmasındadır". Bu barədə ilginc məlumatı DİA.AZ-a hökumətdəki mötəbər mənbə verib.

Xəbəri verən qaynaq iddia edir ki, söhbət Qusar rayonuna ayrılan büdcə vəsaitlərinin təyinatı üzrə xərclənməsindən gedir. Mənbənin dia.az-a söylədikləri:

"Yerli maliyyə qurumunun hesabatları əksər hallarda ciddi nöqsanlarla zəngin olduğundan həkumət tərəfindən daxili araşdırma qərarı verilmişdi və ortaya ciddi faktlar çıxıb. Söhbət böyük büdcə pulunun yerli icra qurumları tərəfindən mənimsənilməsindən gedir".

Mənbə iddia edir ki, əgər siyasi qərar olarsa, Qusarın icra başçısı Şair Alxasov başda olmaqla, sözügedən rayonun bir neçə vəzifəli şəxs barəsində hüquqi ölçü götürülə bilər.

Məsəklənin təfərrüatı barədə bilgilərimiz olacaq. Bizi izləməkdə davam edin.

İddia olunanlarla bağlı bütün maraqlı tərəflərin də mövqeyini işıqlandırmağa hazırıq...
скачать dle 12.1