"Fevral ayının 24-dən Rusiya-Ukrayna müharibəsi başlayıb. Bu müharibə hələki lokal məzmun kəsb edir. Əslində, bu iqtisadi baxımdan dünya müharibəsidir. Getdikcə bu müharibəyə daha çox ölkələr daxil olmaqdadır. Təəssüf ki, bu müharibənin qarşısını almaq üçün bütün mövcud fürsətlər əldən buraxılıb. Bunun məsuliyyəti isə hər bir tərəfin üzərinə düşür". Bu sözləri SİA-ya açıqlamasında deputat Elman Nəsirov deyib.

Onun sözlərinə görə, Rusiya dünya mövqeyində 6-cı yerdədir: "Deməli, Rusiyaya qarşı olan sanksiyalar qarşılıqlı effekt doğurur. Rusiya iqtisadiyyatının çökməsi həm də dünya iqtisadiyyatının altıda birinin çökməsi deməkdir. Eyni zamanda Avropa da, dünya da həmişəki kimi olmayacaq".
Deputat sözlərinə belə davam edib: "Artıq yeni dünya arxitekturasının formalaşması zərurətə çevrilir.
İkinci Dünya Müharibəsindən sonra bəşəriyyət çox böyük bir təhlükə ilə üz-üzə qalıb. Azərbaycan dövlətinin formalaşmış reallıqda mövqeyi bəllidir. Sülhpərvər dövlət olduğumuz üçün istənilən qarşıdurma və siyasi təbədülatların əleyhinəyik. Beynəlxalq birlik, böyük dövlətlər bu məsələdə nə qədər fəallıq nümayiş etdirərsə müharibə də bir o qədər tez sona çatar".скачать dle 12.1