“Azərbaycan Hava Yolları” Qapalı Səhmdar Cəmiyyəti (AZAL) tərəfindən keçirilən tender müsabiqəsinin (Açıq tender) qalibi məlum olub.
Yeniavaz.com-un məlumatına görə, tender müsabiqəsinin qalibi "Airport Gate Service” MMC şirkəti olub. 
Müsabiqənin şərtinə görə "Airport Gate Service” MMC AZAL-ın sifarişlərinə əsasən QSC-nin əməkdaşlarını 12 ay ərzində müəyyən olunan 48 istiqamət üzrə avtobuslarla gündəlik işə və işdən daşınması xidmətlərini göstərəcək.
Müsabiqənin şərtlərinə görə "Airport Gate Service”  MMC bu xidmətlər üçün AZAL-dan 654 min manat alacaq.
Nizamnamə kapitalı 606 manat olan "Airport Gate Service” MMC-nin hüquqi ünvanı Bakı şəhəri Nəsimi rayonu, Mehbala Zeynalabdiyev küçəsi, ev 8, mənzil 28-də yerləşir. MMC-nin qanuni təmsilçisi Rəhimov Rəşid Azər oğludur. 
Qeyd edək ki, Rəşid Rəhimov şirkətə yeni rəhbər təyin olunub. MMC-nin əvvəlki direktoru  Hüseynov Məmməd Mirzə Ağahüseyn oğlu olub.
Onu da bildirək ki, "Airport Gate Service” MMC ötən il AZAL tərəfindən keçirlən analoji tenderin də qalibi olub. 
Tender müsabiqəsindən belə göstərilir ki, AZAL işçilərini işə və işdən daşınması üçün Bakı şəhərinin metro stansiyaları və müxtılif qəsəbələrinə gündəlik avtobus marşrut xətləri fəaliyyət göstərir:скачать dle 12.1