“Audovizual Şuranın “Space” televiziyasına xəbərdarlığı barədə məlumatım var. Hazırda mütəxəssislərimiz tərəfindən xəbərdarlıqda qeyd olunan məsələlərlə bağlı araşdırma gedir. Yəqin ki, bu gün, ya sabah Audiovizual Şuraya bu barədə fikirlərimizi bildirəcəyik”.
Bu sözləri Pravda.az-a açıqlamasında “Space” televiziyasının rəhbəri Müşfiq Hətəmov deyib.
Qeyd edək ki, Şuradan verilən məlumata görə, iclasda “Space” televiziya yayımçısının efirində 21 iyun 2022-ci il tarixdə saat 22:30-23:40 arası yayımlanan “Elin sözü” proqramında “Media haqqında” Azərbaycan Respublikası Qanununun 14.1.4-cü (irqi, dini, mənşə, cinsi, etnik və digər ayrı-seçkiliyin təbliğ olunması) və 14.1.12-ci maddələrinin (parapsixologiya (ekstrasens, medium və s.), mövhumatçılıq və ya digər xürafələrin təbliğinə yol verilməsi) tələblərinin pozulması faktları müzakirə olunub. Belə ki, yuxarıda adı çəkilən proqramın yayımı zamanı aparıcı tərəfindən “Biz hindu ağlında olmamalıyıq axı. Bir az inkişaf eləmiş vəziyyətdə olmalıyıq...” ifadəsi işlənib. Hətta bilməyərək və ya xüsusi bir məqsəd olmadan, o cümlədən Azərbaycanda yaşamayan etnik qruplar haqqında işlədilən belə tipli açıqlamalar və ya fikirlər etik olmamaqla yanaşı, cəmiyyətimizə xas olmayan ksenofobiyanın yayılmasına və ayrı-ayrı tamaşaçılarda milli və ya irqi üstünlük hisslərinin yaranmasına gətirib çıxara bilər.
Eyni zamanda, şübhəli fəaliyyətlə məşğul olan ekstrasens, parapsixoloq və s. bu kimi şəxslər tərəfindən öz fəaliyyətlərinin təbliğinə televiziya kanalınən efirində imkan yaradılması faktı da Şura tərəfindən qeydə alınıb ki, bu da, yeni “Media haqqında” Qanunun müvafiq müddəasının tələblərinin pozulmasıdır.
Bakı
5°C