Rusiyanın Baytarlıq və Fitosanitar Nəzarət üzrə Federal Xidmətinin ("Rosselxoznadzor") Moskva şəhəri, Moskva və Tula vilayətləri üzrə idarəsi, bu il avqust ayının sonunda Azərbaycandan ixrac edilən meyvə partiyasında yoluxma aşkar edib.
"Rosselxoznadzor" xəbər verir ki, Azərbaycandan gətirilən 2 707 ton yoluxmuş nektarin Moskva yaxınlığında məhv edilib.
Laboratoriya müayinəsi zamanı meyvələrdə Rusiya üçün karantin obyekti sayılan Aralıq dənizi meyvə milçəyi (Ceratitis capitata (Wiedemann)) aşkar edilib.
Yük sahibi nəzarətə alınmış məhsullarla bağlı tədbir görülməsi üçün rəsmi göstəriş alıb və onları məhv etmək qərarına gəlib.
Qeyd edək ki, mövsümün əvvəlindən etibarən “Rosselxoznadzor” tərəfindən Azərbaycandan Moskvaya daxil olan 6 min tondan çox nektarinlə bağlı 300-dən çox avtomobil texniki baxışdan keçirilib və karantin fitosanitar nəzarəti həyata keçirilib.
скачать dle 12.1