"İcbari tibbi sığorta üzrə xidmətlər zərfi kifayət qədər genişdir, xidmətlərin sayı təxminən 3000-ə çatıb. Lakin hələ də bir sıra ciddi xəstəliklərin müalicəsi həmin xidmətlər zərfində yer almayıb".
Bunu parlamentin Səhiyyə komitəsinin sədri Əhliman Əmiraslanov Milli Məclisdə 2023-cü ilin dövlət büdcəsinin müzakirəsi zaman deyib.
Komitə sədri bildirib ki, zərfdə yer alması lazım olan xəstəliklərdən biri də məhz onkoloji xəstələrin müalicə məsələsidir.
“Növbəti ilin dövlət büdcəsində onkoloji xəstəliklərin müalicəsi üçün ayrılan vəsaitin məbləği olduqca aşağıdır. Bu vəsaitin artırılmasını təklif edirəm. Maliyyə Nazirliyindən xahiş edirəm ki, onkoloji xəstəliyin hökmən icbari tibbi sığorta ilə əhatə olunmasına öz köməkliyinizi göstərəsiniz. Bilirik ki, həmin xəstəlikdən əziyyət çəkənlər nə qədər pul xərcləyirlər".
Ə.Əmiraslanov həmçinin təklif edib ki, auitizm xəstəliyinin müalicəsi də icbari tibbi sığorta çərçivəsində öz təsdiqini tapsın.
скачать dle 12.1