Yeni bir araşdırma əsasında vaxtından əvvəl ölüm riskini azaldan dörd pəhriz nümunəsi müəyyən edilib.
Xarici KİV xəbər verir ki, araşdırmada 119.315 adamın yemək vərdişləri 36 il ərzində izlənilib.
Bu şəxslərin məlumatları Sağlam Qidalanma İndeksi, Alternativ Aralıq dənizi Pəhrizi, Sağlam Bitki Əsaslı Pəhriz İndeksi və Alternativ Sağlam Qidalanma İndeksi ilə müqayisə edilib. Tədqiqatçılar müəyyən ediblər ki, bunlardan ən azı birinə riayət etmək vaxtından əvvəl ölüm, ürək xəstəliyi, xərçəng və tənəffüs xəstəlikləri riskini azaldır.
Sağlam Qidalanma İndeksi meyvə, tərəvəz və süd məhsulları daxil olmaqla bütün əsas qida qruplarını özündə ehtiva edir.
Alternativ Aralıq dənizi pəhrizində meyvə, balıq və qoz-fındıq istehlakı üçün təkliflər təqdim edilir.
Sağlam Bitki Əsaslı Qidalanma İndeksinə tərəvəz və bütün taxıllar da daxildir. Lakin zərərli bitki əsaslı (zərif taxıllar və yüksək şəkərli qidalar kimi) və heyvan mənşəli qidalardan qaçınmağı tövsiyə olunur.
Alternativ Sağlam Qidalanma İndeksi isə tərəvəzlərdən tutmuş şəkərli içkilərə qədər bir sıra qidaların xroniki xəstəliklərlə necə əlaqəli olduğuna göstərir.скачать dle 12.1