12.11.2023-cü il tarixində saat 23:02 radələrindən başlayaraq Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxanaya dəm qazından zəhərlənmə səbəbilə 5 nəfər yerləşdirilib.
Bu barədə TƏBİB-dən məlumat verilib.
"Onlara zəruri tibbi xidmətlər göstərilib. Vəziyyətləri qənaətbəxş hesab olunan şəxslər ambulator müalicə üçün evə buraxılıblar", - deyə əlavə edilib.
Xatırladaq ki, Gəncədə bir ailənin beş üzvü dəm qazından zəhərlənib.
*** 09:16
Gəncədə zəhərlənmə faktı qeydə alınıb.
Hadisə şəhərin Heydər Əliyev prospektində yerləşən yaşayış binalarındakı mənzillərin birində qeydə alınıb.
1954-cü il təvəllüdlü M.Qurbanova, 1987-ci il təvəllüdlü Ş.Qurbanova, 2008-ci il təvəllüdlü V.Qurbanov və 2010-cu il təvəllüdlü A.Qurbanov zəhərlənmə diaqnozu ilə xəstəxanaya yerləşdirilib. Onlara dərhal yardım göstərilib, vəziyyətlərinin kafi olduğu bildirilir.
Onların sözlərinə görə, yaşadıqları evdə dəm qazından zəhərləniblər.
Qeyd edək ki, zəhərlənən şəxslər bir ailənin üzvləridir.
Faktla bağlı araşdırma aparılır.
Bakı
5°C