Dekabrın 7-də Rusiya Prezidenti Vladimir Putin bu ölkəyə işgüzar səfərə gələcək İran Prezidenti İbrahim Rəisi ilə Moskvaya danışıqlar aparacaq.

Bu barədə Kremlin mətbuat xidməti məlumat yayıb.

Bildirilib ki, prezidentlərin görüşündə ikitərəfli əməkdaşlığın cari gündəliyinin əsaslı şəkildə nəzərdən keçirilməsi, ticarət-iqtisadi, o cümlədən nəqliyyat və enerji sahələrində perspektivli birgə layihələrin həyata keçirilməsinə diqqət yetirilməsi planlaşdırılır.

"Həmçinin əsas beynəlxalq və regional mövzular üzrə fikir mübadiləsinin aparılması planlaşdırılır", - deyə Kremlin məlumatında qeyd olunub.скачать dle 12.1