Fransa hökuməti miqrasiya ilə bağlı qanun layihəsinə baxmaq üçün xüsusi komissiya çağıracaq.

Bu barədə Nazirlər Kabinetinin sözçüsü Olivye Veran məlumat yayıb.

Onun sözlərinə əsasən, qanun layihəsi ilə bağlı komissiyanın qəbul edəcəyi qərar əvvəlcə Senatda (parlamentin yuxarı palatası), sonra isə Milli Assambleyada (parlamentin aşağı palatası) səsə qoyulacaq.

Fransa parlamenti tərəfindən rədd edilən miqrasiya qaydalarının sərtləşdirilməsinə dair qanun layihəsinə baxmaq üçün yaradılacaq komissiyanın tərkibində Senat və Milli Assambleyanın hərəsinin yeddi üzvü yer alacaq.

Xatırladaq ki, qeyri-qanuni miqrantların ölkədən çıxarılmasının sadələşdirilməsini nəzərdə tutan qanun layihəsi parlamentin aşağı palatası tərəfindən rədd edilib və ötən gün keçirilən iclasda 270 deputat həmin qanun layihəsinin əleyhinə səs verib.скачать dle 12.1