Qərbin Rusiyanı strateji məğlubiyyətə uğratmaq strategiyası uğursuzluğa uğrayıb.

Bunu Rusiya xarici işlər naziri Sergey Lavrov telejurnalist Dmitri Kiselyova müsahibəsində bildirib.

Onun sözlərinə görə, ABŞ Rusiyanı düşmən adlandırıb, əgər belədirsə, Moskva hadisələrin istənilən inkişafına hazırdır.

Lavrov daha çox ölkənin Rusiyanı dəstəklədiyini söyləyib.

"Dövlətlərin böyük əksəriyyəti sanksiyalara qoşulmayıb. Səhər Vaşinqtonun nəyi sevməyəcəyini heç kim bilmir, hər kəs sanksiyaların hədəfinə çevrilə bilər", - Rusiya XİN başçısı vurğulayıb.

Lavrov dünyada müşahidə olunan beynəlxalq inkişafın əsas tendensiyalarını da açıqlayıb. Bildirib ki, bunlar çoxqütblü, çoxmərkəzli dünyanın qurulması və dedollarizasiyadır (dollarsızlaşma-red).

"Amerika qloballaşması pandemiya və sanksiyalara görə iflasa uğrayıb. İndi hər şey lokal regionlara səpələnib. Hər kəs artıq dollardan bezib", - Lavrov əlavə edib.скачать dle 12.1