Haitidə bəzi keçmiş prezidentlər və baş nazirlər də daxil olmaqla 30-dan çox yüksək vəzifəli məmurun korrupsiya ittihamı ilə həbsinə order verilib. 
Həbs qərarı çıxaran hakim Al Duniel Dimanche Haiti Milli Avadanlıq Mərkəzində korrupsiya istintaqında iştirak edən şəxslərə sorğu-sual üçün onunla görüşməyi əmr edib. 
Korrupsiyada ittiham olunan 30-dan çox yüksək vəzifəli məmur arasında keçmiş prezident Mişel Martelli, keçmiş müvəqqəti prezident Jocelerme Privert, həmçinin keçmiş baş nazirlər Loran Lamote, Evans Pol və Jan-Henri Ceant və keçmiş müvəqqəti baş nazir Jan-Mişel Lapin var. 
Onlar xüsusilə zəlzələlərdən sonra yol tikintisi və ya dağıntıların təmizlənməsi kimi işlərdə ağır texnikadan istifadə etməyə cavabdeh olan Haiti Milli Avadanlıq Mərkəzinə aid vəsaitləri və ya avadanlıqları mənimsəməkdə ittiham olunurlar. 
Haitinin keçmiş müvəqqəti baş naziri Lapin yazılı açıqlamasında həbs qərarı ilə bağlı ona rəsmi məlumat verilmədiyini bildirib. 
Keçmiş müvəqqəti prezident Privert öz bəyanatında qeyd edib ki, məhkəmə "dövlət başçılarının və baş nazirlərin öz vəzifələrini yerinə yetirərkən hərəkətləri ilə bağlı yurisdiksiyaya malik deyil". 
скачать dle 12.1