"Qəzzada dinc əhalinin öldürülməsini dayandırmalıyıq".

Bunu Avropa İttifaqının Xarici siyasət və Təhlükəsizlik məsələləri üzrə Ali Nümayəndəsi Cozep Borrell Səudiyyə Ərəbistanına səfərindən sonra yaydığı bəyanatda bildirib.

“Heç kim Fələstin ərazilərindəki dram haqqında düşünmürdü, amma İordan çayının qərb sahilində artıq bir dram var idi və bu, həm də Qəzzada yaşanırdı.

Biz bu barədə düşünməyə və həll yolu axtarmağa başladıq, çünki ərəb dövlətləri ilə İsrail arasında sülh önəmlidir, lakin kifayət deyil.

Bu, daha çox İsrail və Fələstin arasında aparılmalıdır, çünki yalnız razılaşma, siyasi razılaşma - iki dövlətli həll yolu ilə İsrail təhlükəsiz ola bilərdi, çünki onun təhlükəsizliyi təkcə hərbi potensiala əsaslana bilməz, bu, sübuta yetirilib.

İndi də Qəzzada dinc əhalinin öldürülməsini dayandırmalıyıq. Biz bu çox sayda itkini dayandırmalıyıq. HAMAS məhv edilməlidir. Amma eyni zamanda, HAMAS bir ideyadır, o ideyanı təmsil edir və siz ideyanı öldürə bilməzsiniz. Bir ideyanı – pis ideyanı öldürməyin yeganə yolu daha yaxşısını təklif etmək, Fələstin xalqına, onun ləyaqətinə, azadlığına, təhlükəsizliyinə üfüq verməkdir ki, bu da İsrailin təhlükəsizliyi ilə yanaşı getməlidir”, - Borrell vurğulayıb.

Aİ-nin Ali Nümayəndəsi qeyd edib ki, bunu reallaşdırmaq həmişə çətin olub və olacaq: "30 ildir ki, beynəlxalq ictimaiyyət bunu mümkün etmək üçün çox şey etmədən və ya bəzən heç nə etmədən iki dövlətli həll yolunu təbliğ edir. Və bu gün bu, Oslo müqavilələrinin bağlandığı 30 il əvvəlkindən daha çətindir. Amma çətin olsa da, biz cəhd etməliyik".скачать dle 12.1