Bu barədə "Wales Online" yazır.
Stefani Barstov bildirib ki, onun pişiyi Duke 2017-ci ilin yanvarında başqa bir pişiklə dava etdikdən sonra itkin düşüb.
Qadın bir neçə ay ev heyvanı axtarsa da, axtarış heç bir nəticə verməyib və o, axtarışdan imtina edib.
2024-cü ilə qədər heyvanın taleyi naməlum olaraq qalıb.
Keçən həftə bir baytar Barstovun qapısını döyərək Dukenin tapıldığını söyləyib.
"Mənə dedi ki, pişiyi evimdən 300 metr aralıda, fabrikdə tapıblar. Mən tamamilə şoka düşdüm", - deyə Stefani deyir.
Məlum olub ki, bütün bu müddət ərzində işçilər Duke qidalandırıb və bir neçə il soyuqdan qoruyub saxlayıblar.
Nəhayət, işçilər pişiyi baytarlara aparıb, orada sahibləri haqqında məlumat olan çip aşkar ediblər.
Lakin Stefaninin telefon nömrəsi köhnəldiyi üçün baytar həkim Barstovun ünvanına gedib və şəxsən ona xoş xəbəri çatdırıb.
Barstov, Duke ilə yenidən qovuşduğu üçün həyəcanlandığını, lakin it və yeni körpə də daxil olmaqla ailəsindəki dəyişikliklərin onu çətin bir qərar verməyə məcbur etdiyini söylədi. Duke adlı pişiyə yeni bir ailə tapılıb.
Stefani deyir ki, pişik indi yeni evində xoşbəxtdir. O, həmçinin hazırda itkin ev heyvanlarını axtaran insanlara ümidini heç vaxt itirməməyi tövsiyə edib.
