Rusiyanın Xarkovda otel kompleksini raket atəşinə tutması nəticəsində “Anadolu” xəbər agentliyinin Ukraynaya ezam olunmuş müxbiri, Gürcüstan vətəndaşı Davit Kaçkaçişvili yüngül xəsarət alıb.

Bu barədə jurnalist Gürcüstanın Birinci telekanalına bildirib. O, otelin yaxınlığına iki raket düşdüyünü, bu zaman öz otağında olduğunu qeyd edib.

Hadisə nəticəsində Anadolu xəbər agentliyinin fotojurnalisti Özge Elif Kızılın da xəsarət aldığı bildirilib.

Davit Kaçkaçişvili hazırda təhlükəsiz yerə transfer edildiyini qeyd edib.

Xatırladaq ki, Rusiyanın gecə Xarkovda otel kompleksinə raket endirməsi nəticəsində əcnəbi jurnalistlər də daxil olmaqla, 13 nəfər yaralanıb.скачать dle 12.1