19 yaşlı məşhur repçi Einarı evinin qarşısında güllələyiblər.
Xarici media xəbər verir ki, İsveçrənin ən məşhur musiqiçilərindən olan Einar hadisə yerində dünyasını dəyişib.
Polis hadisədən sonra cinayət işi ilə bağlı araşdırmaya başlayıb. Ən az iki şübhəli təyin olunduöunu deyən Stokholm polisi "Hazırda silahlı hücumun səbəbini və bu işin arxasında kimlərin dayandığını araşdırırıq" deyə, açıqlama yayıb.
SVT kanalı Einarın ölümünün arxasında mafiyanın dayandığını iddia edib. Ötən il qaçırılan və əvəzində pul istənilən Einar bu günlərdə bir mafiya dəstəsinə qarşı ifadə verməli idi.
Bütöv adı Nils Kurt Erik Einar Qronberq olan repçi 2019-cu ildə "Spotify"da ən çox dinlənilən musiqiçi olmuşdu. "Grammy" və bir çox başqa mükafatlar alıb.
 скачать dle 12.1