Meksika Prezidenti Andres Manuel Lopez Obradorun koronavirus testi müsbət çıxıb və o, özünü təcrid edib.
Bu barədə siyasətçi özünün tvitter səhifəsində yazıb.
“Sizə bildirirəm ki, mən COVID-19-a yoluxmuşam və əlamətlər yüngül olsa da, təcrid olunmuş vəziyyətdə qalacam, ofis işləri ilə məşğul olacaq və virtual ünsiyyət quracam”, - dövlət başçısı bildirib. Prezident həmçinin yazıb ki, xəstəliyi zamanı onu daxili işlər naziri Adan Aqusto Lopez Hernandez əvəz edəcək.
2021-ci ilin dekabrında Meksika Prezidenti “AstraZeneca” koronavirus peyvəndinin üçüncü dozasını alıb. Altmış səkkiz yaşlı dövlət başçısına mətbuat konfransı zamanı buster vaksin vurulub.
Xatırladaq ki, o, bir il əvvəl də COVID-19 xəstəsi idi - Lopez Obrador 24 yanvar 2021-ci ildə koronavirusa yoluxduğunu elan etmişdi. Prezidentin sözlərinə görə, həmin vaxt onda infeksiyanın yüngül əlamətləri vardı.
скачать dle 12.1