Ukraynanın müdafiə naziri Aleksey Reznikov Rusiya ilə davam edən müharibədə əsgərlərdən daha çox mülki vətəndaşın həyatını itirdiyini açıqlayıb.
Xarici KİV xəbər verir ki, Ukrayna fevralın 24-dən Rusiyanın hücumlarını dəf etməyə çalışır. Hücumların 16-cı günündə Ukrayna Müdafiə Naziri Ukrayna əsgərlərindən daha çox mülki vətəndaşın həyatını itirdiyini bəyan edib.
Nazir Reznikov “Əziz ukraynalılar, Rusiya işğalına qarşı müqavimətimiz iki həftədir ki, davam edir. Dünyada heç kim müqavimət göstərib sağ qalacağımıza, uzun müddət dözəcəyimizə inanmırdı. İndi biz təkcə müdafiə deyil, həm də hücum mövqeyindəyik. Bütün qoruyucularımıza və səhiyyə işçilərinə təşəkkür etmək istərdim”, - deyə vurğulayıb.
Nazir qeyd edib ki, ruslar əsir götürdükləri qadın və uşaqları öldürürlər. Mən istəyirəm ki, bu təkcə Ukraynada deyil, bütün dünyada eşidilsin. Kreml məktəblərə, xəstəxanalara və doğum evlərinə zərbələr endirir”.
скачать dle 12.1