Ukrayna Rusiya tərəfindən işğal olunmuş Melitopol şəhərinin Moskva tərəfindən təyin etdiyi qadın merinə qarşı "dövlətə xəyanət araşdırması"na başlayıb.
Bu barədə Ukrayna hökuməti məlumat yayıb. Bildirilir ki, Melitopol meri İvan Federorun "ruslar tərəfindən qaçırılıb" və bundan sonra prezident Vladimir Zelenski Federorun dərhal azad edilməsini tələb edib.
Rusiya isə İvan Federorun “terrorçuluğu dəstəkləmək” ittihamı ilə rus əsgərləri tərəfindən saxlanıldığını qeyd edib. Melitopolun yeni meri vəzifəsinə rusiyapərəst Qalina Danilçenkonu təyin olunub.  Danilçenko vəzifəsinin icrasına başladıqdan sonra şəhər sakinlərini “təxribatlarda iştirak etməməyə” çağırıb.
Melitopol Şəhər Şurasından bəzi adlar Danilçenkonun şəhərdə işğal administrasiyası qurmağa çalışdığını əsas gətirərək araşdırma başlanılmasını tələb ediblər. 
Ukrayna Baş Prokurorluğu reaksiyalardan sonra araşdırmaya başladığını açıqlayıb. Bəyanatda bildirilir ki, Danilçenko “işğalçı qüvvələri Ukrayna qanunları ilə tanınmayan bir administrasiya quraraq müqavimətə son qoymağa çağırır”.
скачать dle 12.1