Moldovanın Baş Prokurorluğu keçmiş prezident İqor Dodona qarşı korrupsiyada şübhəli bilinərək cinayət işi açıb.
Xarici KİV xəbər verir ki, bu barədə prokurorluğun mətbuat katibi Mariana Kerpek məlumat verib.
Onun sözlərinə görə, mayın 18-də baş prokuror Dumitru Robu 2020-ci ilin yayında ictimaiyyətə görünən videolara görə cinayət təqibi barədə göstəriş verib.
Cinayət işinin əsasını İqor Dodonun 2019-cu ilin iyununda Demokratlar Partiyasının o vaxtkı lideri Vladimir Plaxotnyukla görüşünün videoyazıları təşkil edib. Demokratik Partiyanın ofisində çəkilmiş videoda Plaxotnyukun Dodona böyük qara paketi verdiyi göstərilir. Söhbətdən görünür ki, paketdə o zaman Dodonun rəhbərlik etdiyi Sosialist Partiyasını maliyyələşdirmək üçün nəzərdə tutulan pullar var.
Video 2020-ci ildə deputat Yuri Renice tərəfindən yayımlanıb. 2020-ci ilin iyun ayının sonunda Korrupsiyaya Qarşı Mübarizə Prokurorluğu “yoxlama zamanı cinayət tərkibi aşkar edilmədiyini” bildirərək, videoçəkilişlər əsasında cinayət işi başlamaqdan imtina edib.
скачать dle 12.1